أوكامبو الغشيم قول لى جدادك كر
وبى إذن الكريم مايصيب بلادنا الشر
رئيسنا حلف يمين توصل سفينتو البر
وراهو الصابرين والفى الصفوف كبّر
ورئيسنا مابجاف ورئيسنا دابى الكر
ومابسلّم سودانى يديهو لى ناس جر
*****************
شوف كيف البلاد بتروله إتفجّر
وكمان فيها المصانع والقصب سكّر
وفيها كتير مزارع السمسم البنّجر
خيرنا يمين كتير حارسنو بالعسكر
مانفرط فى شبرو لى أحفاد ملوك قيصر
السودان جموع الموية بالتنكر
*****************
كهربة من سدود فى الريف ذى البندر
وحرمنا الخمور وحرمنا للميسر
تانى بلدنا ترجع وشبابنا يتحسّر ؟؟؟؟؟
قدامنا العراق (وبريمر ) ..... إتحكّر
وأعلن إحتلال بى سلاحو كيف أبحر
فى السودان محال علينا يتكرّر
وأسال ناس (على والمهدى ) كم قرّر
نديك الدليل ودلينا ناس بربر
وفى دارفور هناك زار الرئيس عبّر
لو تحسب حشودو تحسب عديل تفترّ
شوف كل السودان دان القرار وانكرّ
شوف كل السودان دان القرار وأنكر
وحدنا القرار ... وحدنا القرار وخلانا نتفشّر
وحدنا القرار ... وحدنا القرار وخلانا نتفشّر

 

 رائد شرطة معاش/ بشرى مبارك إدريس 

 السكرتير الثـقافي والرياضي والإعـلامي للجالية السودانية بألمانية الإتحادية - بون