|
وثار صديقي الشاعر والزميل
النقيب شرطة عوض الكريم محمد عوض الله شاعر ولاية نهر
النيل ... وكان في قمة ثورته عند ظهور مصطلح اهل
العوض....بكل ما يعني من مدلولات قصد بها الضحك والترويح
في اللحظة المعنية ولكنه ترك عظيم الاثر في نفس شاعرنا وهو
من منطقة (أم الطيور) الباذخة والمعروفة بارثها الضخم
وموروثاتها العظيمة والتليدة... وكيف لا يثور شاعرنا
وهو... (معد ومقدم برنامج تراثيات بتلفزيون عطبرة)... وهو
شاعر الفنان البعيو... وسمية حسن... وحسن محي الدين..
وغيرهم..
عذرا ... فلا أريد
الاسترسال في الحديث كثيرا وأترك المساحة لقلم شاعرنا ردا
علي مصطلح اهل العوض : .....
نحـن أهل
الـعـوض
 نحـن
الـغـبـش
نحـن أهل السكاكين
والعصـى مانـى الروش
كيفــن
تـمـثـلـنـا
بـالـنـاس الـطــرش
نحـن سـيل ونحـن
نـيـل
وقتيـن يفيض بالخير يبش
أيدينـا
في الجود والكرم
 ذي
وابل العـينـه البرش
نحن السـعيه أسياده
نحن
وفى القاسـيه كم فكينا محنه
كان مـكذب
فينا خــش
*****
تلقى الحسن يزرع هناك
وام الحسين فى الروب تخش
تشبع سمن تشـرب لبن
يا أخوى دغـش
والباقى فوق معلاقنا
فوق سـأ وينلو عش
راديــنـا دش
وناس نصيحه وما بنغـش
وحمـامنـا فى النيل
العظيم
وجردلــــنا دش
ياخوي هــــوى
الليـلـه
بتحـداك جد
والحضـاره
الـقلـتـها
بـيهـا ضـيعـتوا البلد
واهل العـوض
ورثوا الكرم من اب وجــد
هــاك الـسـؤال
فـى عرضحال ادينى رد
لو تساوى حنـكوش
بـى حـــمـد
تلقـى الـفرق
ماليـهو حـــد
والفواصل الـبـيـنـا
شامخة وعامله ســد
وفنانـم مع الاورغن
صخب مطره ورعد
تسمع غناء
ومرات بكاء طالب الـمدد
وشباب كتيـر
فاق العـدد
والاستحاله
عديل
مابـتـفرز البنت من ولد
وفنـانا لما يـغنـى
نحـن
تقـول اســـد
ماسك الــشتم دلوكـه
تنـقـر للصبــاح
وفى غناهـو
قـال
تمساح جزائـــر الكرد
بتـقضــى
الغرض
ما متلك ولــد
والسوط مقطع فى
الضهور
والدم يفور عامل زبد
*****
اهل العـوض اهـل
الحضارات والقيـم
اهـل العـــوض
فوق للـقـمـم
اهل الجلاليب والعـمم
اهلى الغبش يا اخوى عنوان للكرم
ما بتلقى فيهم زول جبان
وما بتلقى فيهم زول سجم
وتوب الحشمه لابساهو الحرم
جلبابـه ساتر للقدم
ما جارت الـموضه
الخليعه
يمـيـن قـسـم
عارفـه الأصول
منـذ القـدم
لابـساله مركوبا قـــديم
لا هو عالـى ولاجـزم
وايدين غـبـش
لا غـوايـش لاختم
وما بتعرف تبرج فى ملم
وعارفه الزواج للناس قسم
بالقليل مــع الراجـل
تعيش
ما بتشتكى من شح من عدم
ود موسى اقيف
دا حال الحرم
حال غادة كيف ؟
ديمـه قـاعدين فى الرصيف
قول يا لطـيف
والليل
خلاص راح وانقسم
وينا الأصـــول
وين القيـم
وأهل العوض لو
شافوا
زول شاف الحرم
حرم تقيف ويسلوا
سيف
ويرووا الأرض فى لحظه دم
وياخوي هوي
أخير
لـيـك الـسكـات
وشوف ليك شغل غير النكات
أهل العوض أهل الثبات
ضيعت بـى
نكاتك امم
|
المقدم شرطة /
محمد حمزة حسب الباري
عنوان المقال:
اهل العوض
