كان الزمان هدوءا وجمالا من قبل  حين ردد جيل الكابلي متعه الله بالصحة والعافية........

زمان الناس هداوة بال و انت زمانك الترحال… وليلو عمرو ما سآل و ليلك لي صباحو سؤال
قسمتك يا رقيق الحال مكتوب ليك تعيش رحال……تسامر في الغيوم أشكال روائع تذهل المثّال
شي سيرة زفة بي طبال و عروسة في جبينا هلال…..مواكب فرحة من أطفال يحاكوا السمحة ست الخال
و قُبّال ما الصور تنشال على خيوط الأمل و الفال………و صبح الناس يجيك مرسال
يشيلك فوق وسط عينين يوديك مقرن النيلين………….يخدر فيك عقيد ياسمين.........

انتهي…( حديث الطلاوة والرومانسية والصباح الجميل الهادئ...... ثم جاء زمان القنبلة...... واسفر عن وجهه القبيح... مزيحا الستار عن تغيير مريع في الاذواق والكلمات والنغم.....وجاء يكشر عن انيابه وكانه يقتحم عالم الفن بقوة السلاح).......كما يلي...

حلاة الزول في الطول والعلا .... دي قنبلة..........................

 سماحة الزول في الطول والعلا..........................قالوا احتمال تنفجر قنبلة
بقيف معاهو والله ما بجر قنبلة.....ما بيفيد الصد والهجر... والبتحصل أنا بقبلا
....قنبلة.....
العيون سلاح الموت قنبلة...........والخشيم ده كاتم صوت...

 قنبلة
........بالبر وبالبرشوت جيوشك علي أنقلا..............السنون .....وبلي قنبلة
والخد مسدس ستة ملي قنبلة......ياعيوني ما ..............شوفة العود والسنبلة الأيدين كلاشنكوف قنبلة.........والقوام يشهي الشوف قنبلة
الحنان المالي الجوف كسح العذاب والبلا..........

................دي قنبلة...................

هذه هي قصة القنبلة .... ولم تكاد تنفجر حتي اتت علينا لغة الطبنجة ودوي الرصاص الاتي :

لو بتصدق الحدثك بتصدق قول الناس اضربني بي مسدسك املاني انا رصاص انا مخلص ووافي واخلاصي عندي اساس...انا قلبي ربيتو يعيش في الحب حساس.....

ولو خنتك استاهل.....رصاص الطبنجة
لو مامت خليني..........انا ماداير انجي
لو غشيتك استاهل...........ولي ربي بترجي
ابقي عبرة للعشاق..............ابقي ليهم فرجة..........

وأخيرا أجيبوا... يرحمكم الله.....

هل  تغير الزمان وحده كفيل بزجنا في هذا الدرك والنفق المظلم؟؟؟ أم هو تغير الاذواق؟؟؟ أو هو تغير الشاعر او الملحن او المؤدي...من زمان لزمان؟؟؟؟ أم ماااااذااا؟؟؟

دعونا نستريح مع همسة الشاعر التيجاني حاج موسي عندما قال في زمن البنفسج .....

..لو حاولت تتذكر...تعيد الماضي من اول.... تلقي الزمن غير ملامحنا..... ونحنه بقينا مانحنه.....

وأنا الصابر..... علي المحنة......لو كان الزمن نساك انا ما نسيت... او في يوم زمن قساك... انا ما قسيت...

في عز الليل... يا هاجر انا مساهر....

في عز الليل ...ساعة النسمة ترتاح....

علي هدب الدغش وتنوم....

انا مساااااهر....هده الحيل... غرامك واجترار الذكري... وطيفك في خيالي يحوم.....

يا...هاجر....انا والليل... ومر جفاك مساهرين... نحكي للافلاك مساهرين...لاكملت حكاوينا ولا لقينا البداوينا...

يامشهيني طعم النوم وطيفك في خيالي يحوم....

ياآآآآآآآآآآآآآآآآآآآآآآآآآآآآآآسر

                                             محمد حمزه (كل المواسم )